من العنوان شكل البوست مملة
بس مش مهم
أنا حاسس بالملل يبقى ايه المشكلة لو حسستكم بالملل شوية
اعتبره نوع من المشاركة الوجدانية أو بالغلاسة
او اعتبره نوع من العقاب بما انى قلتلك ان البوست مملة فى الأول ومع ذلك لسه مكمل قراية
يبقى حضرتك تستاهل
ليه بنحس بالملل
هل عشان مش لاقيين حاجة نعملها !!!
أنا ورايا حاجات ياما أوى ومع ذلك حاسس بالملل
يمكن عشان نفسى اعمل حاجة مختلفة وجديدة ومش عارف او مش لاقى
ممكن
بس أكيد مش ده السبب الوحيد
فى تفسيرى للملل أعتقد انه بالمقام الأول نتيجة التزامات بيضعها الانسان على نفسه أو بتوضع عليه بس فى جميع الأحوال مبيكونش مهتم أو مستمتع ومتشوق انه يقوم بالالتزامات دى
مش بالضرورة يكون رافضها
بس مش متشوق ومتحمس انه يقوم بيها
سبب تانى للملل فى رأيى هو الكسل
الكسل انك تبدأ عمل ما يخليك فى حالة شعورية متبلدة
لا انت قمت بالتزام عليك يشغلك ولا انشغلت عنه بعمل أكثر تشويقا
!!! أو ان الكسل نتيجة للملل
مش مشكلة مين اللى بيجيب التانى الموضوع اشبه بالبيضة والفرخة
بس المهم انهم مرتبطين ببعض وأشبه بمتلازمة
وأعتقد فى رأيى ان الثنائى اللعين ده "الكسل والملل" يمثل الطريق الملكى للفشل
طيب ايه بقه الطريق الملكى للنجاح ؟؟
ممكن اتكلم عليه مرة تانية لانى بصراحة ملان جدا وكسلان جدا
فمتستنوش من واحد كسلان وملان يكلمكم على النجاح
مش انهاردة على أى حال
وكل شم نسيم وأنتم بخير :)
:D :D
ReplyDeleteرؤية تحليلية عميقة للملل
بس بيتهيألي انك لسه موصلتش لقمة الملل
لان لو وصلتله مكنش يبقى عندك صبر تحلله بالشكل ده
بصراحة كل أسباب الملل اللي كتبتها مقنعة بس اعتقد ان الكسل بالنسبالي هو نتيجة للملل مش سبب لان انا لو زهقان من حاجة و ملان منها هكسل اعملها لكن لو انا بحبها مش هكسل
يعني من غير ملل مفيش كسل
و احيانا الكسل لو اتوجد لوحده بيكون مسلي
^__^
و يا ريت تقولنا ضروري على الطريق الملكي للنجاح علشان نفسي اعرفه لان الملل و الكسل هما الطريق اللي مش محتاجين وصفة مخصوص و كل الناس بتتقنهم كويس قوي
:)
و تعليقا على اول جزء خالص , اعتقد ان انا استهال علشان اللي شدني اصلا للبوست هو عنوانها
^__^