السلام عليكم
عمرى ما كنت من الناس اللى بيعملوا الف حساب للوقت وبيخاف اوى انه يضيع وقته فى نشاط غير انتاجى
بس بصراحة
انا مش مستعد اقعد ساعتين ادور على اسم للمدونة ومش لاقى
عشان كده قررت اتبع القواعد المعترف بها فى اختيار اسم للمدونة
يفضل الاسم ميكونش طويل أوى
تمام مفيش مشاكل
يفضل ان الاسم يكون هو نفسه العنوان الالكترونى للمدونة
تمام
يفضل ان الاسم يعبر عن المدونة
دى المشكلة
انك تلاقى اسم معبر والاهم انه يكون متاح
عشان كده قررت انى اكون ابسط فى طريقة تفكيرى
انا حعمل مدونة
ولما اقول لحد شفت اللى كتبته امبارح ويرد عليا : كتبته فين
حقوله على "المدونة" فبالتالى المدونة هو الاسم الاسهل "وبصراحة الأغلس" اللى اقدر اشير بيه لمدونتى
وبما ان دى اول بوست ليا وبقالى ساعتين بدور على اسم فبكتفى حاليا بهذا القدر من المعلومات القيمة اللى اديتهالك واشوفك فى تانى بوست ده فى حالة انك ملعنتش المدونة على اللى عامل المدونة
والسلام عليكم ورحمة الله وبركاته :)
و عليكم السلام و رحمة الله و بركاته
ReplyDeleteمقدمة عبقرية
:D :D
مش مهم الاسم على قد ما المضمون مهم جدا
و على فكرة قدام هتقدر تقرر الاسم يكون ايه
في ناس ممكن تعمل اسم جامد جدا و تدخل المدونة نفسك تتسد
و في العكس
انا برضه الاسم اخد معايا وقت علشان كنت فاكرة انه مينفعش يتغير بعد كده
بس اتضحلي في الآخر انه بيتغير و اللينك كمان بيتغير
^__^
منتظرين نشوف البوستات و التدوينات في "المدونة" بتاعتك
:)